Árligi felagsforeldrafundurin, sum skúlastýrið skipar fyri, verður týskvøldið tann 27. oktobur.

Byrjað verður klokkan 18:30 við ársfrágreiðingini hjá skúlastýrisforkvinnuni.
Eftir ein kaffisteðg hevur Súsanna í Króki kl. 19 ein fyrilestur við heitinum: "Góðir miðlavanar". Súsanna í Króki er útbúgvin cand.mag. í pedagogikki við serritgerð um happing á netinum millum føroyskar fólkaskúlanæmingar. Somuleiðis hevur Súsanna arbeitt hjá Børns Vilkår, har hon m.a. hevur undirvíst lærarum og foreldrum í trivnaði, happing, miðlavanum millum fólkaskúlanæmingar. Nú er hon í starvi hjá SSP, og í fyribyrgjandi arbeiðinum í SSP fylla internetið og sosialu miðlarnir nógv.

Uppstillingarfundur til skúlastýrisvalið verður aftaná felagsforeldrafundin.