Nú er at finna jólahýrin og nissuhúgvuna fram, tí fríggjadagin 26. novembur fara vit at pynta skúlastovurnar.
Tað er ordiliga gott at dagføra sín pennahúsa og kanna eftir, man hevur saks, límstift og litblýantar í góðum standi til hendan dagin :)
Dagføring 23. novembur
Hóast korona enn gerð um seg, er støðan á skúlanum enn góð. Vit halda á við at vísa varsemi og arbeiða fyribyrgjandi. m.a. við at hugsa um frástøðu og reinføri og ikki blanda flokkarnar, tó lata vit, í samráð við Undirvísingarstýrið og Frítíðarskúlan, 1. – 3. flokk vera saman.
Harumframt hevur tað týdning, at næmingar ið hava sjúkueyðkenni lata seg kanna og ikki koma í skúla fyrr enn tey hava fingið negativt svar upp á kanningina.
Vit vilja eisini framvegis, at foreldur boða okkum frá, um næmingar fáa staðfest korona ella fara í sóttarhald.
Aftur í dag angaði úr skúlakøkinum, tá næmingarnir í 6. flokki gjørdu nudlasuppu við kjøtfarsi, í síðstu viku bakaðu tey bollar. Báðar máltíðir smakkaðu sera væl og hóska væl til køldu og myrku árstíðina. Manga takk! :)
Vit í Kvívíkar skúla fegnast um, at kunna vera partur av hesi slóbrótandi grønu verkætlan, og at hava møguleika at vísa næmingunum í verki, at kommunan arbeiðir fyri at skapa eina burðardygga framtíð.
Joen Jacob Andreasen, tekniskur leiðari, greiddi so væl frá verkætlanini í Degi og Viku fyrr í vikuni. Brotið sæst her
Frammi í Gerði 6
340 Kvívík
Skúlaleiðari: 292422
Lærarar: 662424 / 292424
Førleikastovan: 662421
kvi@skulin.fo
